影片
更多
2011-08-05
519 浏览
五一劳动节，家中婶母提议去名苑同嬷嬷饮茶；去到先知佢系𠮶度既熟客。熟成点？婶母口中既"好耐冇去"，原来系一个星期，可想而知帮衬率几高！当日爸爸饮茶时觉得Ｄ食物好唔错，餐厅推介紧既龙趸美食又成功地吸引倒佢注意力，所以就即时订定位𠮶晚黎试。𠮶阵时将近母亲节，好多人都提早同母亲们庆祝，晚市都系安排两轮入座。我地准时七点半到，不过因为第一轮既客人未走，所以都要等成十分钟先有位坐。餐厅地方唔算大，楼面低；可能因为节日关系，Ｄ枱都挤到密麻麻，真系几逼夹，而且比较嘈，不过绝对理解得到，亦可以接受。唔知系咪因为订位时有婶母关照，各人既服务态度非常友善。虽然佢地做到踢哂脚，不过每一个都仍然保持笑容，真系好难得。小插曲：爸爸带左枝红酒同亲友分享，姐姐仔开既时候个塞烂左（好难讲话系因为枝酒旧，定系姐姐仔既开酒器唔得），好彩有位后生既经理哥哥好有心机地慢慢帮我地搞返掂，感激感激！因为佢好有技巧地清理哂所有塞碎，一粒都冇落入枝酒内，大家对佢既功夫都赞叹不已！见佢地咁混乱，所以我地选择左食连婶母都话抵食既鱼翅鲍鱼"燕"，另加一份午餐时订定既龙趸翅加豆卜。虽然我地都已经系三个月前黎食，不过因为餐厅重做紧个套餐优惠，
𠮶阵时将近母亲节，好多人都提早同母亲们庆祝，晚市都系安排两轮入座。我地准时七点半到，不过因为第一轮既客人未走，所以都要等成十分钟先有位坐。餐厅地方唔算大，楼面低；可能因为节日关系，Ｄ枱都挤到密麻麻，真系几逼夹，而且比较嘈，不过绝对理解得到，亦可以接受。
唔知系咪因为订位时有婶母关照，各人既服务态度非常友善。虽然佢地做到踢哂脚，不过每一个都仍然保持笑容，真系好难得。小插曲：爸爸带左枝红酒同亲友分享，姐姐仔开既时候个塞烂左（好难讲话系因为枝酒旧，定系姐姐仔既开酒器唔得），好彩有位后生既经理哥哥好有心机地慢慢帮我地搞返掂，感激感激！因为佢好有技巧地清理哂所有塞碎，一粒都冇落入枝酒内，大家对佢既功夫都赞叹不已！
见佢地咁混乱，所以我地选择左食连婶母都话抵食既鱼翅鲍鱼"燕"，另加一份午餐时订定既龙趸翅加豆卜。虽然我地都已经系三个月前黎食，不过因为餐厅重做紧个套餐优惠，所以都想同大家分享一下。
鱼翅鲍鱼"燕"：每位原价$488，试食价$288，两位起，全日供应。不过最近加左价：试食价$298。
宫廷皇烧翅（每位3两翅）：每碗查证过，真系每人足3两翅，而且学老豆话斋：「粗粗地」，真系食得过！汤底味道香浓，完全唔味精，真材实料，火候十足，真系要比个手指公佢！
名厨4头南非鲍鱼（玉掌伴）：鲍鱼一D都唔细只，质感柔软，有「鲍鱼皇后」之称既契妈都大赞就代表唔错啦。鹅掌腍滑，配上鲍汁，我地个个都好满意。
头抽皇生煎澳洲大花竹虾：调味料既味道渗哂入个虾壳度，所以XO仔食亲依款虾多数都唔lur壳既。虾肉爽口，虾壳够脆，味道甜咸适中，好啱我口味。
古法蒸深海龙趸球：鱼肉鲜嫩软滑，味道清甜，爸爸极度欣赏，更赞不绝口。
古法生炆龙趸翅加豆卜：豆卜真系有加料，赞！鱼肉唔够套餐蒸𠮶款滑，不过咁都系正常既，蚊又点会滑得过蒸呢？！最紧要系有香滑肥美既鱼皮食！
益菌猫耳朵泡翡翠曲：有个汤底上，感觉唔会油腻，食得健康。清清甜甜，细片既猫耳朵同雑菌够哂爽口，小弟唔系蔬菜fans，不过都食左好多。
鲍鱼荷叶珍珠鸡：热辣辣，香口既糯米饭好滑，料又唔会过多，一人一细包，份量啱啱好。
生磨蛋白杏仁茶：小弟唔系杏仁茶fans，不过叔叔大力推荐，所以都食左碗支持下。个人觉得好稀同好粉，可能因为当晚太多人食，所以沟稀左？！
燕窝养颜流沙包：真系好大个包呀！新鲜蒸出黎，好辣手，不过因为食得太饱，所以食唔落成只，只系食左一小角。包身松软，而且真系流沙架，香甜滑溜，正到爸爸要食埋我食唔落𠮶件。
椰汁桂花糕：餐厅送比每一个食客既甜品。小弟唔系一个椰汁粉丝，所以觉得桂花糕加椰汁好似有少少怪怪地，不过依个纯粹系个人口味问题，因为椰汁迷既爸爸食得好开心。
后记：
1) 三百蚊就可以食倒有质素既鱼翅，鲍鱼，燕窝，真系抵倒烂呀！所以小弟在此极力推荐大家食依款鱼翅鲍鱼"燕"套餐！
2) 英皇中心其实有自己既停车场比客人泊车既，我地去𠮶日刚刚开始装修冇耐，原本预计七月从开，不过昨日经过重未开返。
张贴
