新興棧食家

营业中

休息中

新兴栈食家因为近排身体抱恙，所以都系乖乖地食下粥品清清肠胃，得知新兴栈出名鱼腩粥，我最钟意！一于去试试！一入到去，环境较简陋，要自己揾位坐，啲人会不断系你侧边出出入入，系坐得唔太舒服，不过为左食好味的粥，唔紧要啦！鱼腩肉丸粥粥底仍然系非常鲜甜入味，鱼腩铺满粥面，一碗大约有5-6旧鱼腩！好抵食，啲鱼腩系炒过先再放入粥熬，所以特别香，再配埋姜葱，人生一大乐事！猪肝粥粥底鲜甜，熬得好入味，猪肝亦有好多好多，成碗粥感觉好丰富。不过粥较稀，食到最后好似饮汤咁！但即使变汤，都系好好饮：）