橫濱麵大將

营业中

休息中

今日嚟到Apita food court, 决定试吓好少食嘅面大将。因为见到food court入边好多人都食拉面，而我都好耐冇食日式拉面啦。过到去counter，发现都好多款式拣，有点儿眼花撩乱。但都系决定食比较传统嘅猪骨汤底拉面。管理叫咗个叉烧猪骨汤底拉面（好似系咁嘅名），后来发现原来有个猪骨汤底拉面定食仲比较抵食，会跟埋一个细饭同清茶，都系$54，所以就改咗叫定食，要个细嘅鳗鱼饭。先试食鳗鱼饭，我真系有啲喜出望外。虽然好细个返，鳗鱼都系细细粒咁，但系啲鳗鱼就煎得好香，𠮶边仲有少少脆同㶶㶶哋咁，我钟意。 鳗鱼本身都好香软。啲珍珠饭就比较普通， 不过$54有咁好食嘅鳗鱼都已经抵晒。然后到个拉面， Overall嚟讲都满意嘅。啲面嘅质地都几好咬口，唔系𠮶啲超平嘅渣面。另外个叉烧都几大块，同埋俾喺某啲餐厅嚟讲都算厚。呢个拉面我最钟意嘅系个糖心蛋，做得啱啱好， 要俾个Good佢。呢个定食$54嚟讲真系超级抵食。