宏力飲食中心

营业中

休息中

又到午餐时间，今日选择平平哋，食一间男人饭堂，呢间饭堂位置一啲都唔显眼，唔系识途老马，都唔会识得食。内部环境饭堂嘅环境见仁见智，有人觉得坐得舒服，有人觉得坐得逼夹餐牌嘢食嘅选择真系多箩箩，中式西式烧味常餐蒸饭车仔面等等等等等等，一应俱全每日仲有四款精选午餐添，呢度食嘢，胜在平平哋，份量够大份，话明系麻甩佬饭堂，绝对系名不虚传枝竹斑腩炒米（$46）大男人食都绝对够饱，斑腩嘅数量一啲都唔小，每一件都油泡过，支竹亦都好林好入味而最好食嘅系个炒米底，好考功夫，成个米粉饼掉落油入边炸，炸都好香脆，其他餐厅都好似好难食得到冻杏仁霜（$6）你茶餐厅梗系饮啲平时出边好少饮到嘅嘢，冻杏仁霜够晒滋润。