渝人碼頭 (已結業)

朋友好钟意食辣，成日间唔中就会揾啲食重庆火锅嘅店叫我地陪佢食😛 湾仔呢一间感觉上几正宗，一于去试下。去到首先叫咗鸳鸯汤底，有重庆火锅同埋松茸汤，重庆火锅拣咗微辣，一上台啲香味已经传晒过嚟，而另外一款松茸汤清清地，都几鲜甜。打边炉梗系叫咗靓牛牛先😛 叫咗本地手切肥牛 ($238/细) 个肉质好嫩滑好冧好新鲜，叫个细都咁多，真系性价比超高！仲有码头三宝 ($178)都大受欢迎。鲜黑毛肚，鲜鹅肠同鲜黄喉。全部食落去好新鲜爽口，涮一阵就食得！之后叫咗其他食物，全部都几新鲜。水饺，四宝丸，墨鱼滑，虾滑等等都十分唔错。另外呢间店虽然唔大，但都几用心，淮山条有2只颜色，排得好精致，亦都好好味。