影片
更多
2022-01-25
147 浏览
一盅两件揾埋三个四眼五友走去食返六七八碟九大簋十分疏肝。对就对完喇，希望大家唔好呕到一地血啦～饭就点都要食嘅，有时谂唔到食乜，除咗我最钟意食嘅日本嘢，我第二样谂到嘅就系饮茶。不过而家除咗去传统酒楼先食到点心之外，点心店都开到成行成市，我就试过呢间性价比几高嘅笼太子点心专门店，叹番个一盅两件疏肝下先。原只鲍鱼烧卖 ($30)一个字，抵！见到粒鲍鱼，唔系顶点特点都起码系极点啦！咁嘅价钱，食到用新鲜猪肉同虾蒸出嚟嘅烧卖，起码你食得出真自己做嘅，唔系交嚟嘅，性价比满分啦！多汁小笼包 ($22)包皮不至于太厚，亦都唔会一夹就穿，将小笼包成粒摆落口一咬，啲肉汤混和埋啲猪肉馅不至于味道太咸，亦都冇雪味，合格。流沙奶黄包 ($24)所谓流沙，系要整到会流嘅奶黄，夹杂着好似沙嘅咸蛋黄，所以比例好重要。搣开佢睇住啲馅流出嚟果种治愈感，真系好难写出嚟～佢哋嘅奶皇包都整到呢个效果，味道亦唔会太甜，最紧要系够热，所以食嘅时候要小心啲，唔好辣亲条脷呀！鱼肚水饺 ($22)笼太子虾饺皇 ($15)皮蛋牛肉肠 ($25)略嫌皮厚得滞，不过馅喺足嘅 是日老火汤($18)对于我呢啲冇住家饭嘅人来讲，抵！
对就对完喇，希望大家唔好呕到一地血啦～饭就点都要食嘅，有时谂唔到食乜，除咗我最钟意食嘅日本嘢，我第二样谂到嘅就系饮茶。不过而家除咗去传统酒楼先食到点心之外，点心店都开到成行成市，我就试过呢间性价比几高嘅笼太子点心专门店，叹番个一盅两件疏肝下先。
原只鲍鱼烧卖 ($30)一个字，抵！见到粒鲍鱼，唔系顶点特点都起码系极点啦！咁嘅价钱，食到用新鲜猪肉同虾蒸出嚟嘅烧卖，起码你食得出真自己做嘅，唔系交嚟嘅，性价比满分啦！
多汁小笼包 ($22)包皮不至于太厚，亦都唔会一夹就穿，将小笼包成粒摆落口一咬，啲肉汤混和埋啲猪肉馅不至于味道太咸，亦都冇雪味，合格。
流沙奶黄包 ($24)所谓流沙，系要整到会流嘅奶黄，夹杂着好似沙嘅咸蛋黄，所以比例好重要。搣开佢睇住啲馅流出嚟果种治愈感，真系好难写出嚟～佢哋嘅奶皇包都整到呢个效果，味道亦唔会太甜，最紧要系够热，所以食嘅时候要小心啲，唔好辣亲条脷呀！
鱼肚水饺 ($22)
笼太子虾饺皇 ($15)
皮蛋牛肉肠 ($25)
略嫌皮厚得滞，不过馅喺足嘅
是日老火汤($18)
对于我呢啲冇住家饭嘅人来讲，抵！
张贴
