熱點點心專門店

营业中

休息中

今日放工之后，我哋嚟到太子揾嘢食。想起最近都好少去茶楼食点心，今晚就试吓去揾一间点心店食点心作为晚餐。我地来到太子的热点。店墙上嘅画都几得意我哋都好钟意食点心，一笼笼细份之余，又有多款唔同嘅选择，食咗好多唔同味道首先嚟到嘅系芋角，外皮酥脆，干身，芋头软绵绵，入边嘅馅料有肉粒、菇粒等等，口感丰富尖椒煎得好香，酿鱼肉份量好多，好味叉烧包好大个！上枱嘅时候应该啱啱焗好，热辣辣，上面脆卜卜，咬落去好软辣汁味道适中，饺子份量都几多初头以为自己写错咗叫左两笼，原来系店舖特登用细蒸笼去蒸，每笼两粒，上枱嘅时候两层搭起，避免食咗两粒之后另外两粒摆得耐虾饺会冻，细心，欣赏！虾嘅份量都好多，皮簿，正！烧卖同虾饺都一样，一客分开两个笼烧卖馅料丰富，都几大粒肠粉嘅皮几滑，有米浆香味，葱花同埋虾米嘅份量都好足够，令口感丰富，葱同虾米发挥各自嘅香味。呢个猪猪包好得意🤣佢哋而家有堂食八八折嘅优惠，都几抵食。下次再嚟到试吓唔同嘅点心。