籠太子點心專門店

营业中

休息中

最近去开太子上堂，想揾间平平地嘅餐厅解决晚饭，一search见到呢间笼太子点心店好似唔错就决定试下。入到去每款点心价钱平均约$20，非常抵食！我就叫左虾饺、烧卖、药膳鸡脚、老火汤同虾春卷，整体黎讲味道都唔错。比较特别嘅系烧卖，每粒上都有一只细鲍鱼！我自己都几钟意佢地嘅老火汤，饮落十分清甜冇味精。虾春卷就炸得非常香脆，带微微嘅蒜蓉香；药膳鸡脚嘅药材味就比我想像中重，下次应该会叫番普通凤爪算。其他嘅点心味道都唔错，下次应该都会再帮衬！