得閒飲茶

营业中

休息中

元朗站📍得闲饮茶-呢间点心舖系太子都有食开，今次试下元朗呢间🫖虾饺之王（$34）名不虚传既虾饺，皮薄馅正，平时食虾饺有时觉得皮太厚/一夹就烂，呢度就完全冇呢个问题，虾🦐都几爽口同埋入味。虽然唔系大大粒，不过质量取胜。椰香黄金糕（$20）唔多点心舖有黄金糕，一见到就瘾起😋黄金糕一梳梳鱼翅状，烟靭有嚼劲。不过我觉得如果再重d椰汁味更正😍葱花虾米肠（$25）肠粉出乎意料细滑，软糯有米香。一开始睇错以为系煎虾米肠😂不过今次错有错著，冇煎更食到肠粉细滑。黑金流沙包（$33）流沙包有3只，汲取咁多次辣亲嘴既经验，今次摊一摊先食。不过可能系摊耐左就冇想像中咁流心。流沙咸香十足👍🏻千岛酱脆皮萝卜糕（$30）呢个邪恶之选🫢外脆内软，咬开仲见到萝卜丝，真材实料🤤原笼凤爪排骨饭（$38）老实讲两个人食完点心再食呢个饭真系好饱😰好鬼大笼，如果三个人share就岩岩好。饭底有荷叶，饭有淡淡荷叶香，排骨好嫩滑，凤爪入味。茶芥每位$5🍵环境方面，装修同新式点心店有少少分别，木枱櫈有一种旧式茶居感觉。卡位坐得几舒服，卫生企理。