籠太子點心專門店 (已結業)

个朋友请食饭，我本来想去passion, 但friend 话贵，所以过左对面食点心！无特定期望，只知道太子都有分店。因为新开，地方都算干净和宽敞。睇完餐牌，觉得点心都几有创意。精选老火汤 - 虽然系例汤，不过系我最爱璋鱼汤，所以觉得唔错。凤爪排骨饭 - 饮茶必食，排骨比较肥，凤爪唔错。笼太子虾饺皇 - 可自选两只或四只，只选了两只，虾几大只，几新鲜同爽口。药膳鸡脚，药材汤味够浓，鸡脚都几冧。香滑反斗糕 - 其实系马拉糕，细细杯，一口一个好易食。皮蛋牛肉肠 - 皮蛋跟牛肉配搭几得意。上汤鲜竹卷 - 鲜竹卷几好味，汤比较油。鱼肚水饺 - 有惊喜，原来唔系饺子包鱼肚，而系汤内有原块鱼肚。可能无特别期望，食物反而有惊喜。