影片
更多
2021-09-03
274 浏览
闲日好少去饮早茶，今日入元朗郊游顺便食埋个早餐，见呢到新开，而且11:30am前埋单仲有8折，好似几抵食功夫点心一直都听过但就冇试过，都有几间分店功夫虾饺皇、蟹籽香菇烧卖皇两人叫左8样野，呢到最好系烧卖同虾饺可以逐只叫，想食两样又唔洗叫晒成笼，啱晒我呢啲为食嘅人，味道就一般怀旧绵香马拉糕都算大笼，而且几松软，一黎到已经闻到好香，食唔晒仲带走埋😝浓汤鱼肚鲜竹卷个汤一啲都唔浓😂可能冇加味精挂，所以鱼肚吸唔到啲浓汤，失色，鲜竹卷就正常黄金流沙包包嘅size都比平时食开果啲大，一笼一个，都系逐个叫嘅，适合一至两人黎食，个馅个流心都做得几好凤凰煎糯米鸡呢到个糯米鸡好有特色，系煎嘅，外面煎到金黄色，少少脆，表面果层口感似饭焦，不过因为煎嘅关系都偏油荷香牛仔骨饭荷叶味有，不过好淡，牛仔骨好入味，所以啲味抢晒荷香，同埋牛仔骨可能煎过加埋啲汁，令到个饭底吸晒油，怕肥就唔好嗌呢个香煎萝卜糕煎得好靓，腊味份量ok，折完$19咁大碟，抵食元朗实在太多点心舖，相比之下呢间就唔算太出色，不过价钱ok，茶都几有香味，不过不失
功夫点心一直都听过但就冇试过，都有几间分店
功夫虾饺皇、蟹籽香菇烧卖皇
两人叫左8样野，呢到最好系烧卖同虾饺可以逐只叫，想食两样又唔洗叫晒成笼，啱晒我呢啲为食嘅人，味道就一般
怀旧绵香马拉糕
都算大笼，而且几松软，一黎到已经闻到好香，食唔晒仲带走埋😝
浓汤鱼肚鲜竹卷
个汤一啲都唔浓😂可能冇加味精挂，所以鱼肚吸唔到啲浓汤，失色，鲜竹卷就正常
黄金流沙包
包嘅size都比平时食开果啲大，一笼一个，都系逐个叫嘅，适合一至两人黎食，个馅个流心都做得几好
凤凰煎糯米鸡
呢到个糯米鸡好有特色，系煎嘅，外面煎到金黄色，少少脆，表面果层口感似饭焦，不过因为煎嘅关系都偏油
荷香牛仔骨饭
荷叶味有，不过好淡，牛仔骨好入味，所以啲味抢晒荷香，同埋牛仔骨可能煎过加埋啲汁，令到个饭底吸晒油，怕肥就唔好嗌呢个
香煎萝卜糕
煎得好靓，腊味份量ok，折完$19咁大碟，抵食
元朗实在太多点心舖，相比之下呢间就唔算太出色，不过价钱ok，茶都几有香味，不过不失
张贴
