影片
更多
2013-10-14
2856 浏览
餐厅都好好，我喺网上make booking时，讲明话有老人家，唔想坐通道位，餐厅真系安排咗一角宁静嘅位俾我哋。坐低后，见我哋一众女仕拎scarf出嚟，即刻帮我哋较细个冷气。大意嘅我，冇留意间餐厅食川．扬菜，好多菜式都带辣，爸爸都唔食得……我哋尽量点唔辣嘅菜﹕蒜泥白肉 ($68)﹕卖相精致，味道唔错，妈妈喜欢。薄薄嘅猪肉卷成一柱，内有青瓜，感觉清新。淮扬小笼包 ($52/4件)﹕只有四件，当然三大长老食先啦，剩番一件我叫拾爷食埋佢。爸妈食完都赞好食，力主我哋多叫一笼，结果我都有得食。果然好味！不过，呢只 小笼包嘅包法同鼎泰丰唔同，顶部唔够厚，我以前者嘅挟去食，结果一挟顶部，汤汁溢出……为求快快饮落肚，无法细赏味道……但汤汁唔错，馅料亦好味！外婆红烧肉 ($118)﹕拾爷至爱！呢道菜个sauce唔错，用嚟送饭一流！就咁食就咸咗少少……红烧肉水准不一，肥膏部份当然冇问题，但妈妈发现层表仲有毛，处理得唔够干净……瘦肉部份就睇彩数，食到有松化嘅，亦有嚡口嘅……咸蛋黄虾仁豆腐 ($98)﹕爸爸同奶奶一致赞好！爸爸话觉得啲豆腐好滑！而我，只觉得滑，并未去到好滑。呢道令人胆固醇超标嘅菜式，用嚟送饭又
大意嘅我，冇留意间餐厅食川．扬菜，好多菜式都带辣，爸爸都唔食得……我哋尽量点唔辣嘅菜﹕
蒜泥白肉 ($68)﹕卖相精致，味道唔错，妈妈喜欢。薄薄嘅猪肉卷成一柱，内有青瓜，感觉清新。
淮扬小笼包 ($52/4件)﹕只有四件，当然三大长老食先啦，剩番一件我叫拾爷食埋佢。爸妈食完都赞好食，力主我哋多叫一笼，结果我都有得食。果然好味！不过，呢只 小笼包嘅包法同鼎泰丰唔同，顶部唔够厚，我以前者嘅挟去食，结果一挟顶部，汤汁溢出……为求快快饮落肚，无法细赏味道……但汤汁唔错，馅料亦好味！
外婆红烧肉 ($118)﹕拾爷至爱！呢道菜个sauce唔错，用嚟送饭一流！就咁食就咸咗少少……红烧肉水准不一，肥膏部份当然冇问题，但妈妈发现层表仲有毛，处理得唔够干净……瘦肉部份就睇彩数，食到有松化嘅，亦有嚡口嘅……
咸蛋黄虾仁豆腐 ($98)﹕爸爸同奶奶一致赞好！爸爸话觉得啲豆腐好滑！而我，只觉得滑，并未去到好滑。呢道令人胆固醇超标嘅菜式，用嚟送饭又系几唔错架！
砂锅馄饨鸡 ($180/例)﹕爸妈都赞馄饨够滑，我反而注重汤底，鸡味唔够……
蜀府挂炉烤鸭 ($148/半只)﹕爸爸以为烤鸭系脆皮，点知所有鸭肉都被浸入辣汁内，皮就唔脆，肉都唔嫩，但个汁几惹味。
高力豆沙 ($44/4件)﹕外层好厚，我prefer薄番少少，面层嘅砂糖唔够多，亦铺得唔匀……但个豆沙馅几好味。食完甜品，我哋都未叫埋单，经理就走嚟俾张单我哋……不过，我哋之前明明听到隔离枱埋单时，经理表示今日系中秋，所以所有visa cards都冇折扣优惠，但佢递上帐单时，却表示已经帮我哋计咗个8折！原来今日系乜card都冇discount，但through Openrice订位就有8折，lucky！
埋单$886，茶钱都收咗成$90，但以五个人喺节日去到酒店餐厅到食嘢嚟讲，呢个价钱抵到烂！
张贴
