影片
更多
2020-01-11
78 浏览
今日劲想食粥底火锅，平时有几间食开都话full哂男朋友就系社交网tag咗我有间呢间店嘅广告。睇片又觉得几吸引，一于去试试六点去到都未有好多人，一去到就可以坐底食，价钱218，但老板话无哂肉蟹转咗龙虾，结果价钱变咗238。 扣分位：就系点解你无蟹焗我食龙虾仲要收多20蚊，呢个唔系我要求。我有无得话少咗只蟹减20蚊？不过我男友都钟意食龙虾，所以是旦啦 。等咗无耐就上咗个俾你蒸嘅海鲜拼盘，就好似平时啲蒸锅咁，等你啲海鲜汁滴哂落去个粥底度，再食个粥时就满满鲜味喇。扣分位：个锅嘅下格，系清水连清汤都唔系。不得不赞个海鲜拼盘啲海鲜系好食嘅，真系鲜味。但系，完全无员工提过你边啲蒸几耐，所以蒸嘅时间你自己睇路。食到咁上下，开始想食粥，所以就同靓仔我想食粥，哥哥好快手拎咗成碗米俾我。重点又嚟啦，系生米嚟嘅！大佬阿，一餐饭你俾两个钟头我，多数都系食到一半或者最后先食粥㗎啦。你俾碗生米我自己煮，煮到听朝先食得啦，然后已经有少少燥燥地。之后我要话下自己，唔系自己傻更更之后都无咁嬲。 因为我见到佢系生米之后，就无用过脑咁一野倒哂落去。煮过十几分钟之后打开嚟睇，死！太多米太少水，嗱嗱声叫哥哥过嚟问佢点算。点知，佢
六点去到都未有好多人，一去到就可以坐底食，价钱218，但老板话无哂肉蟹转咗龙虾，结果价钱变咗238。
0 浏览
0 赞好
0 留言
扣分位：就系点解你无蟹焗我食龙虾仲要收多20蚊，呢个唔系我要求。我有无得话少咗只蟹减20蚊？
不过我男友都钟意食龙虾，所以是旦啦 。
等咗无耐就上咗个俾你蒸嘅海鲜拼盘，就好似平时啲蒸锅咁，等你啲海鲜汁滴哂落去个粥底度，再食个粥时就满满鲜味喇。
扣分位：个锅嘅下格，系清水连清汤都唔系。
不得不赞个海鲜拼盘啲海鲜系好食嘅，真系鲜味。但系，完全无员工提过你边啲蒸几耐，所以蒸嘅时间你自己睇路。
食到咁上下，开始想食粥，所以就同靓仔我想食粥，哥哥好快手拎咗成碗米俾我。重点又嚟啦，系生米嚟嘅！大佬阿，一餐饭你俾两个钟头我，多数都系食到一半或者最后先食粥㗎啦。你俾碗生米我自己煮，煮到听朝先食得啦，然后已经有少少燥燥地。
之后我要话下自己，唔系自己傻更更之后都无咁嬲。 因为我见到佢系生米之后，就无用过脑咁一野倒哂落去。
煮过十几分钟之后打开嚟睇，死！太多米太少水，嗱嗱声叫哥哥过嚟问佢点算。点知，佢笑笑口话：好彩你叫我叫得早咋，唔系会煮㶶。一路讲一路同我加汤落去个粥底度，所谓「汤」都依然系水嚟。
一路见佢加咁多水我个怒气值都随住个汤水位升高已升温。你加咁多清水，我个粥无哂味啦，点食阿。真系嬲到谷气都谷饱。
结果，到我走𠮶阵个粥都仲未煮好。平时自问都唔系挑剔，系街市入面都明白好多都系self-service，但呢几点真系唔关你间餐厅系边度事。
晚饭途中已到经即刻打番去平时食𠮶间约星期一食，呢间粥底，真系唔会推荐
啲米多到我要but番出嚟
以下系我走前嘅粥底状态
张贴
