炯記餐室 (沙咀道)

营业中

休息中

之前系炮台山食过烱记下午茶，不错。今次行经沙咀道，又试下呢间啦。地方干干净净，枱櫈整整齐齐，环境唔错，地方唔会黏黏纳纳。Menu 以烧味为主，有手撕鸡，麻辣小食，小舖餐牌算几好，墙壁上大大仔字宣传烟熏烧鹅，咁就要试下啦，一碟烧鹅饭$60，加杯冻/热饮，加多$5，价钱算不平不贵啦，佐敦榕哥，CWB棋哥都系$58咁上下。碟鹅上枱都算摆得企企理理，但鹅皮己开始皱皮，唔脆唔热，其实都明白的，最唔好系硬到死，又鞋又靱，无鹅味，皮下脂肪变白膏，似隔夜鹅多D, 唔明点解用来做招牌名？埋单走，看看店内食客叫d乜，系冇人食烧鹅的，鹅油面就多！