新竹源越南餐廳

营业中

休息中

星期日落雨湿湿，唔想买𩠌煮晚饭，忽然间好想食越南嘢，睇咗Review之后决定去试试呢间越南餐厅。晚上7:20，餐厅只有一两台客，非常冷清。睇过餐牌，每人点咗一份$98既晚市套餐。套餐包括自选沙律，自选前菜及自选主食（各类汤河，炒河或饭），另加热饮。自选前菜及自选主食有极多选择。其中前菜嘅香茅猪扒十分美味，但肉松虾片唔够脆，应该系用现成虾片做，并非即炸。生熟牛肉汤河份量颇大，汤唔算太浓郁，但味道算唔错。牛肉嘅份量亦唔少，肉质可接受，实属超值！香浓奶茶稍为苦涩，有待改善。服务员态度殷勤有礼，绝对值得再帮衬。下次要试吓佢啲炒饭。