影片
更多
2021-06-07
2362 浏览
============== 𝐹𝑜𝑜𝒹 𝐿𝒾𝓈𝓉 𝒻𝑜𝓇 𝒯𝓌𝑜厨师发办 十七件寿司+一件自选寿司 x2 - $1,676 ($838/ person)【前菜】·• 鱼生沙律配慢煮八爪鱼·• 萤光鱿鱼海胆茶碗蒸【寿司十七贯 + 自选一贯】·• 白虾、石门鲷、带子、金木鲷、赤贝、深海池鱼、黑鯥、虾膏红酒渍甜虾、剥皮鱼配鱼肝、烟熏平政鱼、青柳贝、赤身、熟成五日拖罗、毛蟹海胆、鱿鱼、池鱼、𩽾康鱼肝配西瓜奈良渍【鲷鱼浓汤】【芝士味雪糕】💸 $1,843.6 (10% charge)❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.CP值高，有多款选择嘅Omakase店。午市有几款Omakase套餐选择 $400 - $1000，仲有唔少丼饭、定食，算几多元化。装修环境简简单单，相对嚟讲唔算太精致。幸运地坐左喺包厢厨师枱前面，可以睇住制作过程。厨师睇落cool cool地但相当有善，我地自己倾啲鱼嘅问题佢都会主动解答我地🤣。食物相当有水准，但系感觉有啲仓卒，冇咩时间慢慢品嗜。我地每人叫左十七贯寿司+一贯自选，食完十七件后可以拣最钟意果件食多旧。咁高水准平均一件都
厨师发办 十七件寿司+一件自选寿司 x2 - $1,676 ($838/ person)
【前菜】
·• 鱼生沙律配慢煮八爪鱼
·• 萤光鱿鱼海胆茶碗蒸
【寿司十七贯 + 自选一贯】
·• 白虾、石门鲷、带子、金木鲷、赤贝、深海池鱼、黑鯥、虾膏红酒渍甜虾、剥皮鱼配鱼肝、烟熏平政鱼、青柳贝、赤身、熟成五日拖罗、毛蟹海胆、鱿鱼、池鱼、𩽾康鱼肝配西瓜奈良渍
【鲷鱼浓汤】
【芝士味雪糕】
💸 $1,843.6 (10% charge)
❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.
CP值高，有多款选择嘅Omakase店。午市有几款Omakase套餐选择 $400 - $1000，仲有唔少丼饭、定食，算几多元化。装修环境简简单单，相对嚟讲唔算太精致。
幸运地坐左喺包厢厨师枱前面，可以睇住制作过程。厨师睇落cool cool地但相当有善，我地自己倾啲鱼嘅问题佢都会主动解答我地🤣。食物相当有水准，但系感觉有啲仓卒，冇咩时间慢慢品嗜。
我地每人叫左十七贯寿司+一贯自选，食完十七件后可以拣最钟意果件食多旧。咁高水准平均一件都系$50，非常抵食。最欣赏系佢嘅饭本身捞好豉油，同埋师傅整寿司会沾上黄姜洋去握寿司，成个设计好细致。
个人认为可以拣14+1就够了。因为佢仲有前菜、汤、甜品，绝对够食。
♡═━┈┈ 鱼生沙律配慢煮八爪鱼 ✰✰✰✰
开胃前菜，沙律份量好大，鱼生新鲜，芝麻酱汁味道啱啱好。慢煮八爪鱼酸酸甜甜咁，爽口弹牙。
-
♡═━┈┈ 萤光鱿鱼海胆茶碗蒸 ✰✰✰
萤光鱿鱼海胆茶碗蒸
105 浏览
1 赞好
0 留言
用墨鱼汁蒸蛋，非常嫩滑！材料分别都好食，但摆埋一齐又唔系好夹咁😶。
-
♡═━┈┈ 白虾 ✰✰✰
第一件比较清爽淡味，虾滑口感沾沾的。用左海盐同柚子佢调味。
-
♡═━┈┈ 石门鲷 ✰✰
石门鲷
60 浏览
0 赞好
0 留言
鱼身较淡味，上面嘅调味都盖过左佢本身个味道。口感好似食紧墨鱼咁。
-
♡═━┈┈ 带子 ✰✰
带子大大旧，好爽口，但冇咩味，好似得海水味咁。同埋我本身唔好带子所以有啲bias ꉂ(ˊᗜˋ*)
-
♡═━┈┈ 金木鲷 ✰✰✰
金木鲷
52 浏览
0 赞好
0 留言
鱼皮用火枪烧过，充满油香。皮同鱼肉比例啱啱好，鱼肉相对实净。
-
♡═━┈┈ 赤贝 ✰✰✰
大大只，爽口弹牙。
-
♡═━┈┈ 深海池鱼 ✰✰✰
深海池鱼
58 浏览
0 赞好
0 留言
以柚子调味嘅深海池鱼，师傅话原来深海池鱼只系个名，佢喺好浅水嘅地方生活🤣。比较之下，佢嘅池鱼同普通中价寿司舖嘅冇咩大分别。
-
♡═━┈┈ 黑鯥 ✰✰✰✰✰
黑鯥
47 浏览
0 赞好
0 留言
火灸黑鯥，好浓味油香好重！一摆入口味道已经一野散满口腔。出面比较少机会食到😋。
-
♡═━┈┈ 虾膏红酒渍甜虾 ✰✰✰
虾膏红酒渍甜虾
59 浏览
0 赞好
0 留言
非常饱满好食嘅甜虾，口感粘粘的，配上虾膏虾味浓郁🦐。
-
♡═━┈┈ 剥皮鱼配鱼肝 ✰✰✰✰✰
剥皮鱼配鱼肝
76 浏览
0 赞好
0 留言
鱼身爽口，鱼味其实唔算好重，但咬多两啖食到鱼肝就带出咸香味，齿颊留香！
-
♡═━┈┈ 烟熏平政鱼 ✰✰✰
弹牙爽口。
-
♡═━┈┈ 青柳贝 ✰✰✰
爽口，贝味鲜甜，贝类最钟意嘅一款～
-
♡═━┈┈ 赤身 ✰✰✰
鱼味浓郁，味道有啲似油甘鱼。
-
♡═━┈┈ 熟成五日拖罗 ✰✰✰✰✰
熟成五日拖罗
49 浏览
0 赞好
0 留言
高质拖罗，鱼油味充斥喉咙鼻腔。熟成左五日令肉味更浓更鲜甜，而且令鱼筋软化，令肉身更软滑。
-
♡═━┈┈ 毛蟹海胆 ✰✰✰✰
毛蟹海胆
30 浏览
0 赞好
0 留言
海胆入口即溶，新鲜美味。但系同毛蟹唔太夹，其实完全食唔到蟹味，口感又唔系特别好🤔。个四星系全部俾海胆嘅～
-
♡═━┈┈ 鱿鱼 ✰✰
味道普通。
-
♡═━┈┈ 池鱼 ✰✰✰✰
比深海池鱼更浓味，弹牙爽口。
-
♡═━┈┈ 𩽾康鱼肝配西瓜奈良渍 ✰✰✰
大大块鱼肝一啖食左，好奢侈 ꉂ(ˊᗜˋ*) 配上西瓜渍物，解翻鱼肝嘅腻。
张贴
