新記越式牛肉粉 (已搬遷) 新店位置

今个星期日，试下新餐厅～长沙湾一带餐厅多数都经济实惠，今日一于试新记。街坊餐厅除左抵食大份，楼面手脚快唔快，醒唔醒，态度各样都系几紧要架（我觉得）。今次系外卖既，所以讲唔到食物住。本人认为楼面马尾呀姐由落单至交货速度以及准绳度同埋礼貌都系100分架下。最惊系食平野就老奉要受气，呢间野个马尾呀姐态度100分，唔怪得都多熟客。好，入正题。叫左一个火车头汤河，鸡扒捞檬，加碟上汤菜心。火车头汤河：呀姐有建议分汤上，所以个汤底系另一个碗。仲另上左金不换同其他配料，系另一个袋。单睇呢碗河既料都几足，食落系好食～但买外卖如果住得远就建议唔好叫有生牛肉既，惊个汤冻左渌唔熟啲肉。鸡扒捞檬：同返差唔多价位既连锁越南餐厅比，呢间无论份量定味道都吊打。檬汁够浓味唔系沟水果啲，鸡扒好嫩滑。唔系直接掉去炸果种，真材实料。唯独个白萝卜咸左些少。菜心正常货仔，甜+无渣。合格又一抵食之作，下次再来。