一心素食 (已結業)

我諗呢一間素食店，我應該已經嚟過10次以上，今次係第一次的起心肝幫佢寫個食評。因為地點真係幾方便，屋企人鍾意食素，再加上佢質素穩定，所以已經成為我家族聚餐嘅飯堂。今次叫咗幾樣野，有賽螃蟹，咖喱牛腩煲，枝竹羊腩煲，一個唔知乜嘢芝士焗飯同埋黑松露秋葵炒蛋。呢間野令我覺得最神奇嘅係佢嘅分子料理，點解明明食落去同睇落去都似係一舊肉，但係其實佢又唔係一舊肉呢。每一次嚟呢間嘢食我都覺得好神奇，喺度諗究竟佢係點樣煉成呢一舊肉架呢。個賽螃蟹幾好食，但係好可惜因為佢嘅味道比較清淡，然後上菜嘅次序係上咗啲濃味嘅嘢先跟住先至出現呢一疊野，結果大家都唔係太食到佢乜嘢味，可惜。芝士焗飯上面有塊唔知乜嘢肉，係我屋企人叫既。果舊肉咁嘅嘢甜甜地都幾好食。每次埋單人頭計都係幾十蚊，可以食到好飽。啲嘢都幾好食。如果屋企有老人家嘅話，不妨一試。