新之食 (物華街)

营业中

休息中

要喺观塘市中心食嘢，好多人净系谂去apm。识食一定系唔好喺商场食，抵食啲又好味啲。呢间新之食细细个已经成日行过，原来真系几好食，唔怪得可以开咁多年。🌟酸辣杂锦米线$59 酸辣唔系川式𠮶种，香得嚟辣度唔高。佢啲𩠌嚟讲最好食系扎肉，炸得好香，味道都好浓。钟意食菇嘅人实觉得正，因为有鹿茸菇同木耳。🌟马来沙嗲汤底手搅面 $49包一款$10嘅𩠌，所以猪扒要+$2。甜口嘅沙嗲，仲有少少椰汁香咁。仲以为系咸到爆嘅港式沙嗲。早知我都食呢个汤。炸猪扒系上面包糠𠮶种，但系比起传统嘅吉猪腍啲易咬啲，系好味嘅comfort food。🌟韭菜饺$22煎到脆卜卜，饺子馅韭菜味好浓，完全冇猪膻味。🌟香草鸡翼$36想像以上嘅好食，脆又多汁，腌得入味。🌟蒜蓉菜心$15好多蒜蓉酱，比就咁烚菜好味好多。