影片
更多
2022-09-26
2578 浏览
话说今日有d野出城搞，处理好都4点几就行下荃湾海之恋睇下有咩食顺便当埋晚餐，见到呢间日本品牌既牛繁烧肉店仲有午餐，而且仲有1人餐价钱都唔贵，就入去试下啦。餐厅面积都算几大，大约都有20张枱，有4人枱有8人枱，由于果阵系大约5点左右人餐厅人唔太多，大约3-4枱客左右。呢间餐厅都系用QR code落单，咁我就慢慢睇下餐牌食乜，有样几好既就系每份餐或单点都有得拣个份量，想食多款既可以每样拣50g，想某样野多d就拣150-200g，比较弹性，我就拣左个牛胸花1人餐100g，另外再加牛肩胛同鸡颈肉各50g。先黎左个汤，前菜同饮品，汤就唔系面豉汤，系d日式蛋花汤，配料有冬菇萝卜各1小片，汤黎讲我觉得就只有咸味无乜特别，前菜就有d麻油芽菜同另一只唔知乜菜，好香麻油味，都好爽口，而且份量唔少差唔多1个饭碗咁多，饮品要乌龙茶唔洗加钱，成个啤酒杯咁大杯，呢个套餐都几抵食。饭黎讲都系珍珠米，店家声称系用秋田小町米，煮得岩岩好，饭碗唔系好大大过装前菜个碗少少，如果定食饭可以任装就好啦。薄切牛胸花牛胸花半肥瘦，100g大约有4大片，脂肪比例都几多，选餐果阵有得拣咩酱汁黎调味，我全部都拣店家推荐既，牛胸肉烧完都好
餐厅面积都算几大，大约都有20张枱，有4人枱有8人枱，由于果阵系大约5点左右人餐厅人唔太多，大约3-4枱客左右。
呢间餐厅都系用QR code落单，咁我就慢慢睇下餐牌食乜，有样几好既就系每份餐或单点都有得拣个份量，想食多款既可以每样拣50g，想某样野多d就拣150-200g，比较弹性，我就拣左个牛胸花1人餐100g，另外再加牛肩胛同鸡颈肉各50g。
先黎左个汤，前菜同饮品，汤就唔系面豉汤，系d日式蛋花汤，配料有冬菇萝卜各1小片，汤黎讲我觉得就只有咸味无乜特别，前菜就有d麻油芽菜同另一只唔知乜菜，好香麻油味，都好爽口，而且份量唔少差唔多1个饭碗咁多，饮品要乌龙茶唔洗加钱，成个啤酒杯咁大杯，呢个套餐都几抵食。
饭黎讲都系珍珠米，店家声称系用秋田小町米，煮得岩岩好，饭碗唔系好大大过装前菜个碗少少，如果定食饭可以任装就好啦。
薄切牛胸花
牛胸花半肥瘦，100g大约有4大片，脂肪比例都几多，选餐果阵有得拣咩酱汁黎调味，我全部都拣店家推荐既，牛胸肉烧完都好多脂走出黎，肉味唔算好浓，口感就丰富d。
薄切牛胸花
158 浏览
0 赞好
0 留言
特选薄切肩胛片
50g有3大片，牛肩胛肉味会比较浓d，口感都比较实d，油脂都有，同牛胸花系唔同既口感。
特选薄切肩胛片
113 浏览
0 赞好
0 留言
日本鸡颈肉
鸡颈肉50g大约有6条，口感嫩滑，有少少筋，鸡味都几突出，嫩滑既鸡肉加少少筋口感非常丰富。
日本鸡颈肉
90 浏览
0 赞好
0 留言
枱上另有即磨既岩盐同黑椒俾你调味，仲有辣椒油，另外侍应拎俾你果2款酱汁分别系烧肉汁同沟得比较稀既韩式甜辣酱，个人觉得就咁用黑椒盐已经好好食。
整体黎讲环境同食物质素都唔错，价钱都唔算贵但就要加一，选择食物可以拣份量所以就算1个人黎食都可以试多几款野，而服务方面就店员都比较木，由入店入坐开始都无乜声，包括d肉上枱时都无讲呢款系乜肉，如果作为日本品牌餐厅黎讲呢方面就比较差，系食完收碟果阵有位男侍应叫做有礼貌d，有问需唔需要收起d野同问需唔需要饮水，呢part先似返d日本餐厅应有既服务态度。
张贴
