影片
更多
2018-09-05
277 浏览
当晚我同男朋友想食d暖胃饱肚d嘅晚餐，系新港城行来行去都未决定到。经过莆田，有个店员企门口，笑笑口同我地讲有二人套餐，又抵又好食。印象中，我今年年头都食过一次莆田，记得佢道「百秒黄花鱼」好食。咁就唔驶再谂喇！食莆田！*Menu系一本厚厚的硬皮书。食物款式多，而且附有菜式图片供人参考～*枱面摆左今期推广的红菇，店员话系补血好食物。但我今次无试。莆田系新加坡+福建菜，店入面都比较少年青人面孔，大多食客都系家庭／职场人士。赞一赞佢：无论座位、环境都几舒适。但眼见楼面就比较少。虽然闲日+时间早，食客较少，但系店员都系好似好忙咁（现在好多食肆都系咁，难做难做）。今晚我地叫左个二人套餐（$338，未加茶芥加一），𩠌菜有：水晶猪蹄冻、百秒黄花鱼、金汤时蔬、风味酥枣；主食（自选五选一）：莆田卤面／兴化炒米粉／包菜饭／妈祖面线／渔民紫菜焖饭；最后甜品：芋圆花生汤。餐前小食「菜甫」（个人希望系水果／木耳）。因为菜甫唔岩我地胃口，食左几旧就放埋一边。*水晶猪蹄冻一开始上左「水晶猪蹄冻」先～ 猪蹄冻，废话讲句，即系冷盘啦！口感爽滑，但就唔系好弹牙，因为质地比较软身，唔系好硬，有d似Jelly。猪蹄冻细细粒，淋
*Menu系一本厚厚的硬皮书。食物款式多，而且附有菜式图片供人参考～
*枱面摆左今期推广的红菇，店员话系补血好食物。但我今次无试。
莆田系新加坡+福建菜，店入面都比较少年青人面孔，大多食客都系家庭／职场人士。赞一赞佢：无论座位、环境都几舒适。但眼见楼面就比较少。虽然闲日+时间早，食客较少，但系店员都系好似好忙咁（现在好多食肆都系咁，难做难做）。
今晚我地叫左个二人套餐（$338，未加茶芥加一），𩠌菜有：水晶猪蹄冻、百秒黄花鱼、金汤时蔬、风味酥枣；主食（自选五选一）：莆田卤面／兴化炒米粉／包菜饭／妈祖面线／渔民紫菜焖饭；最后甜品：芋圆花生汤。
餐前小食食「菜甫」
$9
21 浏览
0 赞好
0 留言
餐前小食「菜甫」（个人希望系水果／木耳）。因为菜甫唔岩我地胃口，食左几旧就放埋一边。
水晶猪蹄冻
15 浏览
0 赞好
0 留言
一开始上左「水晶猪蹄冻」先～ 猪蹄冻，废话讲句，即系冷盘啦！口感爽滑，但就唔系好弹牙，因为质地比较软身，唔系好硬，有d似Jelly。猪蹄冻细细粒，淋左酱汁，感觉几得意、开胃，但就有少少难夹。如果下次散嗌，我都会再叫返呢道菜。
金汤时蔬
14 浏览
0 赞好
0 留言
然后就上「金汤时蔬」。时蔬蒜头味唔系好重，汤汁黏黏地咁，同平日茶记食的口味有d唔同～上菜时𩠌菜暖热岩岩好，仲冒紧少少热烟，热辣辣好好食。男朋友好钟意咸蛋黄的味道，佢觉得好好食，食左大半碟哈哈。
莆田卤面
7 浏览
0 赞好
0 留言
莆田卤面
12 浏览
0 赞好
0 留言
五选一主食我地拣左「莆田卤面」。一碗面有１２种食材，有菜有肉有海鲜有豆卜。由于Menu话系bestseller，累计销量３０万份。所以，叫的时候唔多唔少抱住少许期望。但实物同餐牌出入都几大（有图有真相）。卤面味道一般，好似平时食团餐农家菜咁，材料唔系特别鲜，味道亦无乜层次。下次来唔会再食。
风味酥枣
20 浏览
0 赞好
0 留言
*风味酥枣（咬开后）
食食下卤面，「风味酥枣」都到喇。到之前好好奇究竟系咩风味酥枣，原来系炸鱼球。鱼肉同蔬菜馅炓拌埋一齐，包一层薄薄的腐皮，表面炸浆炸到脆卜卜。香口野，好邪恶。好在叫左菊花茶，可以清清热～
百秒黄花鱼
9 浏览
0 赞好
0 留言
*百秒黄花鱼
主打的「百秒黄花鱼」最后先上。其他食评都有提到，呢道𩠌获得米芝莲一星嘅殊荣。之前第一次食莆田，都系为左试试呢条鱼。当时唔知，慢慢食，食食下浸到条鱼老左，肉质变「鞋」左。今次识喇，就快快手、密密食。厨房将鱼身㓥开一半（快熟，嫩d呀嘛！），有热汤（离唔开姜同葱）浸住。鱼肉又滑又鲜甜，完全唔腥。鱼骨比较少同幼。重点系一人一条！系一人一条！
芋圆花生汤
22 浏览
0 赞好
0 留言
芋圆花生汤
11 浏览
0 赞好
0 留言
*芋圆花生汤（近镜）
全晚最后一样系甜品「芋圆花生汤」做完结。当时其实已经食到好饱，但都系成碗食哂，一滴都唔剩。花生饮落好清香，系煮熟左的花生味道。芋圆拌有溶溶地的花生同花生碎。个人略嫌芋圆口感太黏。唔系烟un弹牙个种黏口，而系煮得太耐，溶哂个种黏。如果芋圆控制下，改善返会更好。
题外话/补充资料：
莆田卤面同芋圆扣左少少分，整体味道扣一粒星～
(以上食记乃用户个人意见 , 并不代表OpenRice之观点。)
张贴
