影片
更多
2022-09-03
1379 浏览
地址－熊本牛锅 (永胜商业中心)尖沙咀山林道21号永胜商业中心2楼A号舖💋鸡煲皇牌套餐，呢个套餐包左鸡煲，加拿大极嫩保湿豚肉片，美国顶级安格斯牛小排，美国顶级牛肩胛，仲有出面有唔同配料可以任食，劲抵，上枱时职员告知鸡肉已熟，只需滚返就食得，而最贴心系等待期间，可以出去攞小食食住先，唔使饿住等野食，今日系薯条同鱼饼(唔知系咪日日唔同)，虽然呢个小食系任拎，但质素都唔错，薯条炸得几香脆，鱼饼好弹牙，几好，食完小食后就刚好食得鸡煲，D鸡都保持到嫩滑的口感，唔会好嚡，味道偏甜又唔会话好辣，适合唔食得辣的朋友，而佢配料方面都唔少，有蚬，虾同埋鲍鱼，睇落都几豪华下，而最重要系佢里面劲多豆卜，索尽汤汁，劲正。💋加拿大极嫩保湿豚肉片，美国顶级安格斯牛小排，美国顶级牛肩胛，当食完鸡煲后，可以通知职员加入清汤打边炉之用，话咁快就水滚，就食下D肉类，豚肉方面，佢厚度都够，唔会话太薄，食落口感唔错，牛小排牛味充沛，肥瘦匀称，而牛肩胛就口感嫩滑，肉类质素高，唔错。💋配料，我地除左肉类外，都系出面拎左唔少配料，不得不提佢其中一款配料，无骨黑鱼片，呢个真心推荐，呢款鱼食落嫩滑之余，最重要系完全无骨，连骨刺都冇，连我
尖沙咀山林道21号永胜商业中心2楼A号舖
💋鸡煲皇牌套餐，呢个套餐包左鸡煲，加拿大极嫩保湿豚肉片，美国顶级安格斯牛小排，美国顶级牛肩胛，仲有出面有唔同配料可以任食，劲抵，上枱时职员告知鸡肉已熟，只需滚返就食得，而最贴心系等待期间，可以出去攞小食食住先，唔使饿住等野食，今日系薯条同鱼饼(唔知系咪日日唔同)，虽然呢个小食系任拎，但质素都唔错，薯条炸得几香脆，鱼饼好弹牙，几好，食完小食后就刚好食得鸡煲，D鸡都保持到嫩滑的口感，唔会好嚡，味道偏甜又唔会话好辣，适合唔食得辣的朋友，而佢配料方面都唔少，有蚬，虾同埋鲍鱼，睇落都几豪华下，而最重要系佢里面劲多豆卜，索尽汤汁，劲正。
💋加拿大极嫩保湿豚肉片，美国顶级安格斯牛小排，美国顶级牛肩胛，当食完鸡煲后，可以通知职员加入清汤打边炉之用，话咁快就水滚，就食下D肉类，豚肉方面，佢厚度都够，唔会话太薄，食落口感唔错，牛小排牛味充沛，肥瘦匀称，而牛肩胛就口感嫩滑，肉类质素高，唔错。
💋配料，我地除左肉类外，都系出面拎左唔少配料，不得不提佢其中一款配料，无骨黑鱼片，呢个真心推荐，呢款鱼食落嫩滑之余，最重要系完全无骨，连骨刺都冇，连我朋友唔太爱食鱼都不停咁食，可想而知佢有几高质！另外想讲佢D配料的种类都几多，又少见于其他火锅店，连羽衣甘蓝同埋秋葵都有，真系好特别，而佢D手包饺子都唔错，有韭菜饺同埋云吞，佢地都系馅料丰富而且皮薄。
💋饮品及雪糕，佢D饮品选择都唔少，有大路汽水外，仲有自己煲的凉茶，今日系雪耳糖水同夏枯草，点解我咁肯定佢系自己煲 ?? 因为我见到佢岩岩煲完拎出黎滩冻，味道方面偏向少甜，几健康下，唔错，而佢雪糕系芒果，曲奇同埋士多啤梨味，可以自己按份量控制，而唔好睇佢系任食就谂住质素唔好，相反佢雪糕奶味香浓之余又有唔少果肉系里面，正`。
张贴
