嫲嫲辣辣 (福榮街) (已結業)

通常钟意食辣嘅人都会钟意食川菜，我都唔例外，特别钟意食麻辣干锅。今日lunch去左嫲嫲辣辣食麻辣干锅。$69有得拣麻辣、香辣，孜然或者葱爆（唔辣）。仲有得拣三个𩠌，拣肉或者菜都得。包埋一碗白饭同埋一罐汽水/一杯豆浆。香辣干锅（大辣）一黎到见到lunch set嘅香辣干锅都有咁大份有啲惊讶。拣左牛肉、鸡软骨同埋西兰花。西兰花有大约四五旧，索晒所有香辣味，同白饭好夹。鸡软骨好正！一定要再叫！有好多粒，每粒都好好食。牛肉ok正常。香辣锅底好正。麻辣干锅（大辣）有超多花椒，麻辣味十足。虽然大家都系大辣但好似辣过香辣好多咁。但冇香辣嘅味道咁丰富，所以都系香辣正啲。拣左牛肉、鸡件同埋红薯粉。红薯粉系扁身阔嘅，口感唔错，成条都系麻辣味，但如果配香辣应该会正啲。鸡件唔错，但得四旧仔左右。牛肉都有几多块。因为好开胃所以不知不觉间食晒，一停低发现饱到上心口。叫左一罐可口可乐同埋一杯豆浆，都几惊讶豆浆竟然都几细杯，不过都几解辣。下次再黎应该会叫返香辣大辣、鸡软骨、西兰花，再加一个未试过嘅配菜。