稻八日式火鍋炸物放題 (已結業)

平时我都好少会来大埔食野，之前听朋友介绍稻八日式火锅的放题几好食，任饮任食可以打边炉、食刺身、炸物好多选择，一间餐厅就可以食齐晒我想食嘅嘢实在太正啦，我地18:45入去已经坐满7-8成，好彩一早打去BOOK位，如果唔系等Walkin真系唔知要等几耐先有得食。 我地今日就选左$318特选M9和牛放题，呢个价钱除左可以任食和牛之外，最正系可以任饮酒精类饮品，如清酒、梅酒及啤酒等，依度最有心思系有一个自助天妇罗吧，可以比大家自制天妇罗及炸物，非常有趣。 坐低后待应就主动送上M9澳洲和牛小排、M6和牛盛合、鸡片、羊肉片，侍应送餐的速度值得一赞，我地之后点选的食物亦都好快送上。和牛好新鲜，用黎打边炉真系好好味，仲有带子刺身够鲜味，我地都叫左几转。最后仲有每人一杯Movenpick 或Haagen-Dazs 雪糕。