薄餅型 (已結業)

上个星期日去旺角行街，行到油麻地途经呢间「Pizza In」，见到二人餐几抵就买咗个套餐同朋友食。平时都有外卖㗎！2人餐 $169任何 1款大批薄饼 /Any one of big pizza我拣咗夏威夷薄饼，大批系12吋。除咗有肉同埋菠萝，仲有满满嘅芝士，好满足！唔好见呢度咁细间舖头，其实选择都好多。仲有辣肉肠、鲜虾海鲜、芝士、肉色主义、同埋素食主义薄饼添！佢哋仲可以一件一件买添，配合唔同人嘅需要。肉酱意粉 1份 / 蘑菇饭 1份 / 1 Spaghetti / 1 Mushroom rice我拣咗肉酱意粉，分量充足。表面好多芝士，蕃茄好鲜甜，就咁食呢个都够饱！2件脆鸡 / 2 Fried chicken估唔到个size都几大㖞！个皮都好香脆，最紧要热辣辣快啲食～任何2款饮品 / Any 2 drinks有可乐忌廉雪碧芬达汽水，仲有柠檬茶同菊花茶！有汽水以外嘅饮品实在太好啦！我唔钟意饮汽水，所以拣咗饮茶。