上海豆漿大王

营业中

休息中

#搞串个pantry今次我哋有同大家嚟到#屯门 揾嘢食啦，今次就揾到一间非常街坊嘅上海平民菜馆🥢，主打一啲豆浆🥛、粢饭🍚、糖醋排骨🍖、上海熏鱼🐟等等。舖头同普通茶餐厅嘅装修冇分别，座位唔算阔落，高峰时期应该几逼🤯。今次我哋就嗌咗🟠糖醋排骨菜饭($42)、🟤油豆腐配上海排骨上海面($45)、🟡鲍汁冬菇(半碟$27)。糖醋排骨菜饭🌟🌟🌟🌟菜饭个卖相唔系咁好，有啲散，不过食落去口感唔错🤩，饭粒同菜嘅比例刚刚好。糖醋排骨系另外用碟上👍🏻，望落感觉好似卤水汁，但系食落味道竟然系似咕噜汁，都几好食🤤。江苏一带，包括上海菜都偏甜🧐，但呢味糖醋排骨又未去到好甜。口感方面，肉质好腍好入味💕。油豆腐配上海排骨上海面🌟🌟🌟油豆腐即系豆卜，而呢度嘅油豆腐入面酿咗啲肉末菜末😋，食落口感同味道都冇咁单调😝。而上海排骨亦都炸得好松脆🔥，但略嫌口感有啲干身。鲍汁冬菇🌟🌟🌟呢个鲍汁冬菇就普普通通😗，同外面车仔面嘅冬菇，口感味道都好相似。但系以$27💰呢个价钱嚟讲，呢个份量都几抵食💕。