丸·茶手作 (已結業)

虽然湾仔果边有好多间台式饮品店，呢间丸茶真系又平又好饮！啲店员服务态度又好，佢地个menu无得走冰，但系个店员都帮我尽量少冰到好似走咗冰咁😂而且第一次饮嘅时候唔知饮咩好又唔知边款珍珠最好食，啲店员都推介得好好👍🏻仲有佢地啲珍珠好值得一提，佢地有好多款珍珠可以拣，听讲桂花好受欢迎，不过我都系钟意比较常见嘅黑糖珍珠同芒果寒天。个芒果寒天真系好jeng，个口感好得意，而且寒天无咁肥🤣至于嘢饮，到现时为止试过几款茶，都好好饮，不过唔算好特别。最值得一试嘅一定系奶盖咖啡！！真系好好饮，又可以提神