甘味處鎌倉 (屯門市廣場1期)

营业中

休息中

上星期六同朋友入左屯门BBQ，之后大家都想揾个地方坐下食下甜品，就发现屯门市广场有间甘味处镰仓，呢间餐厅之前喺铜锣湾希慎广场都试过，佢嘅甜品都想当特别有特色，所以就一行人过左去食喇。先讲讲个装修，以木材为主体，感觉上十分和式，有置身于日嘅感觉。朋友点呢个生蕃茄泡冰真系相当特别，平时食刨冰都系以生果同朱古力为主。呢款以蕃茄做base嘅都系第一次见，蕃茄嘅香味完全渗透于冰与冰之间，估唔到原来蕃茄嘅味道都可以咁夹。入口酸酸甜甜，十分清新，而且完全冇生蕃茄嘅草青味，十分开胃。我呢个就系抹茶蕨饼+热手打抹茶，蕨饼系我其中一样至爱，入口软糯之余茶味香浓，唔会太过甜。而呢杯手打抹茶令人更加赞叹，茶香味浓，同个蕨饼十分match，两者配合完全提升咗个茶味，而且十分解腻，真系不得了。