GUM "JENG!" X 御前上茶 (已結業)

近排香港好似几流行榴梿雪糕，首先系大型快餐店，近日就到呢间抹茶店，佢有多间分店，但就得旺角同马鞍山分店有榴梿雪糕供应。呢度主打抹茶同培茶雪糕，出榴梿味始终觉得有点怪，但始终都系想嚟试下。榴梿味喺呢日暂时只有普通软雪糕供应，即系最简单嘅筒装或杯装，唔同抹茶味就有芭菲杯等等嘅选择。选择外卖，可能临近晚饭时间，加上呢日嘅其他分店仲做紧买一送一嘅优惠（呢间除外），全店只有另一位都系叫外卖雪糕嘅客人，畀钱后店员好快就拎雪糕出嚟畀我。一到手，看得出同佢嘅抹茶同培茶雪糕有啲分别，就系呢个榴梿版比较浠，食落好快溶。讲到味道呢，如果好钟意食榴梿嘅会觉得好唔够榴梿味，如果只系想试小小榴梿嘅就会觉得还好，我自己就系前者喇，所以都系钟意番食佢嘅抹茶雪糕多啲，唯一系好彩佢唔会有好重牛奶味而有盖过咗榴梿味。