Corefy (裝修中)

早排喺ig见到佢哋期间限定嘅抹茶御前盛合$318(非会员价)，看似几吸引于是就去咗试下。抹茶御前盛合内容包括：1.熔岩抹茶窝夫系惟一ok嘅甜品，窝夫有抹茶味，上面有抹茶cream、士多啤梨、焦糖脆脆、蓝莓，味道可以。2.草莓抹茶华尔滋好济，因为有白玉丸子、茶冻。抹茶雪糕ok，底部嘅草莓脆粒ok，但红豆麻麻冇咩调味。3.雾の森佢哋ig话系拿破仑，但酥饼似饼干且好薄，抹茶cream ok。同ig post嘅相片同简介唔同！！ig post话表面舖上浓浓抹茶、照片有3块香蕉，但上到嚟嘅系冇浓浓嘅抹茶粉同得1块香蕉... 多咗嘅系碟边有啲士多啤梨酱。4.云朵抹茶同道地解绿茶差唔多。5.抹茶莓姬系胶杯嚟嘅，冇咩士多啤梨味，都系同道地解绿茶差唔多。