京林屋 (已搬遷) 新店位置

上星期日去希慎行街, 行到六楼见到一间好日系既食肆, 突然有股冲入去既冲动, 因为之前响糖街荣记食完车仔面仲好肚饿, 兼且近排喜好甜品. 时间系中午1点多, 唔驶等位而入面只得3成入座率, 心谂d嘢好唔好味架, 价钱绝对系唔平架, 不过既然佢打正 "KYOTO" 旗号, 应该唔会差得去边既.一打开menu, 就比”香港限定~芭菲”吸引, 总之有抹茶雪糕就系我杯茶, 其后叫多个“法式圣马克抹茶蛋糕”, 大约等3-5分钟, 两款甜品都到齐, 一到当然要相机食先啦…香港限定芭菲 ($98) – 个抹茶雪糕同响京都食既差唔多, 抹茶味劲香浓, 蕨饼同白玉同佢就最夹, 红豆好香软, 中层既蛋糕口感好得意, 唔觉食蛋糕咁, 而最底层类似大菜糕既就最败笔, 无乜味道兼雪糕流唔到落去, 所以我食到最后放弃咗.法式圣马克抹茶蛋糕 ($88) – 无论蛋糕定雪糕配搭, 我都觉得好满意. 蛋糕有多种口感同层次, 面既焦糖唔似出面焦糖布丁硬崩崩, 而系为整件蛋糕点睛, 少少爽脆衬托蛋糕松化, 入口即溶既感觉好正, 而旁边雪糕, 红豆同白玉同样好味, 唔驶几分钟已消化咗整碟甜品, 绝对值得推介 !一定会再嚟架,