紅葉茶屋 (T.O.P This is Our Place) (已結業)

近排天气日日都凉凉地，所以想去食啲可以暖胃既食物，之后我系旺角中心二期T.O.P 就拣咗呢间红叶茶屋。我叫咗一个定食，加甜品，因为我系抹茶爱好者，所以试咗3款同抹茶有关既食物。牛肉寿喜烧定食 $99牛肉真系超级多，都有十几块，牛肉仲超有咬口，一啲都唔怕韧，汤底唔算太甜，仲好浓郁添，饮咗几口，个人都即刻暖哂。配菜有大冬菇、小蘑菇、豆腐、洋葱、红萝卜、菠菜、温泉蛋，各种各样配菜都好味道，只要加入一只温泉蛋就会令牛肉更加滑口。配埋软熟既白饭，口感好夹。黑蜜抹茶蕨饼 $39第一次食蕨饼，抹茶味好浓，入口凉凉地，口感好得意。特制白玉红豆抹茶渍 $ 49呢个就有啲清淡，有六粒大大粒既白玉，配合埋红豆蓉，睇落仲好靓，再饮一啖浓浓既抹茶，好有写意。牛奶抹茶 $19 (跟餐价)呢个卖相好吸引，旁边有个枫叶碟仔，上面放有三粒石头朱古力，抹茶味好浓，啱哂抹茶爱好者。