宏 (已搬遷) 新店位置

行完街，又累又饿，入左去The One 凉下冷气，顺便睇下有咩食先。见到有间食日本定食既，入去坐底，望望下个餐牌，甘熟口面既。好似食过，不过唔系呢间分店。食过呢个三彩丼定食，依然做到水准，海藻乌冬用新鲜海藻制，食过番寻味！吞拿鱼碎鱼生饭同沙律都好新鲜。朋友仔个鳗鱼定食都唔错，大大条鳗鱼咬落啖啖肉，正！宇治抹茶奶，浓浓既抹茶味同滑滑牛奶比例恰到好处。初茶即系 Japanese Green Tea定食餐有抹茶卷送，味道唔太甜，唔怕漏。女人真系有两个胃既，又黎两杯京都宇治抹茶雪糕芭菲。其实都有分别架，左边系硬雪糕，配有抹茶糯米磁，抹茶啫喱，芝士忌廉同粟米片。右边系软雪糕，配料系白玉丸子，抹茶啫喱，红豆同杏仁脆片。