宇治園 (已結業)

好早去食，所以冇乜人。亦可能价钱偏贵，见好几个人经过门口睇完 menu 就走，但其实定价同同区另一间差唔多。舖头位于海港城，位置有少少隐蔽，上网睇咗段缩时影片两次先出发 环境都几日式，只系旁边就系扶手电梯，有点大煞风景。又系一坐低有壶茶，茶钱盛惠 $10。腐皮生茶面 - 叫呢款主要系因为其他款比较贵 。味道 OK，仲有抹茶味蛋卷一支。 抹茶脆脆杯 - 食完碗面再饮几杯茶都几饱，但一场嚟到点可以唔试埋甜品。款式好多，所以会有选择困难，结果拣咗呢款。雪糕抹茶味浓，个杯坚脆，夹埋一齐有啲似食雪糕 cone。以 $70 嚟讲份量似乎少咗啲，我谂加多廿蚊食杯芭菲会更开心!!