宏 (已搬遷) 新店位置

先幾日收工約咗我上司一齊食晚飯，跟咗佢大半年，佢對我好好，所以今餐我請嘅😘我地兩個都係鐘意食甜品嘅女士，梗係揀間有多款甜品選擇嘅餐廳啦！計埋收工同食完飯要搭車方便，所以就決定嚟The One嘅宏喇。去到餐廳，侍應帶我地坐响角落位，方便傾計又闊落👍🏽打開餐牌，淨係見到唔同套餐已經有選擇困難症😅最後我揀咗餐廳主打白鰻魚飯套餐，而上司就揀咗雜錦天婦羅套餐。👆🏽白鰻魚飯套餐，配新瀉白飯、海藻烏冬(細)、沙律及4款醬汁(日本芥茉、鹽、日本柚子醬油及浦燒汁)👆🏽白鰻魚燒得剛好，肉質細滑，唔點汁食充滿油香，本人最鐘意都係點蒲燒汁，可以送飯😆👍🏽👆🏽店內另一主打海藻烏冬，麵條比平常食嘅烏冬幼扁，咬口較soft似蕎麥麵多過烏冬，湯汁淡，啱我👆🏽上司嘅雜錦天婦羅套餐，我無試，不過見炸醬薄，蔬菜類較多，應該唔錯。👆🏽跟餐飲品係錫蘭紅茶(左)，加錢可轉蘋果汁(右)👆🏽跟餐甜品迷你抹茶卷及迷你芝麻卷，cream好滑，蛋糕鬆軟，抹茶同芝麻味都好香濃，食得出係真材實料😍最欣賞係芝麻蛋糕食落feel到少少沙，真係有落磨完芝麻落去整㗎！食完正餐之後，我地甜品個胃正式開動😂🤗👆🏽我叫咗抹茶pancake，3塊都厚厚又軟熟