影片
更多
2018-01-10
938 浏览
餐厅格局简约，已淡色嘅木作为餐厅格调。坐低咗之后嗌咗个京式鳗鱼饭，抹茶忌廉鲜奶，同埋香港限定抹茶芭菲。首先讲咗个京式鳗鱼饭。鳗鱼分量非常多，非常入味，有偏甜同浓味嘅鳗鱼酱配合，肉质鲜嫩肥美，有入口即溶嘅感觉 。配合埋紫菜同埋蛋丝，口感更加好。跟餐嘅仲有面豉汤，真系好耐都冇饮过咁标准嘅面豉汤。面豉汤唔会偏咸又或味精过重，味道嘅浓度非常适中，调教得啱啱好，亦都有昆布嘅海水鲜味。除咗面豉汤，仲有少少酸萝卜。酸萝卜爽脆，唔会因为浸得太耐所以腍咗，而且亦都能够保持萝卜嘅鲜甜同清新嘅味道。 讲完个饭就讲下杯抹茶忌廉鲜奶喇。忌廉非常重奶味，入口厚滑，抹茶鲜奶唔会过甜，鲜奶系全脂奶，但抹茶同奶味互相平衡， 饮落去好舒服。最后当然唔少得香港限定抹茶芭菲啦抹茶芭菲分开几层。首先系抹茶雪糕配抹茶蕨饼同白玉，下一层系红豆，忌廉同埋士多啤梨，最底𠮶层就系黑糖白玉。抹茶雪糕嘅抹茶味非常浓厚，有少许苦涩，但系唔会过份。雪糕质地非常滑，而且分量颇多。抹茶蕨饼口感烟韧，有淡淡嘅抹茶香味，唔会过甜，同抹茶雪糕一齐食增加口感。 下一层嘅红豆偏甜，不过同酸嘅士多啤梨同鲜奶忌廉一齐食，味道非常配合，酸嘅士多啤梨同埋甜红豆互相制
18 浏览
0 赞好
0 留言
首先讲咗个京式鳗鱼饭。鳗鱼分量非常多，非常入味，有偏甜同浓味嘅鳗鱼酱配合，肉质鲜嫩肥美，有入口即溶嘅感觉 。配合埋紫菜同埋蛋丝，口感更加好。
跟餐嘅仲有面豉汤，真系好耐都冇饮过咁标准嘅面豉汤。面豉汤唔会偏咸又或味精过重，味道嘅浓度非常适中，调教得啱啱好，亦都有昆布嘅海水鲜味。除咗面豉汤，仲有少少酸萝卜。酸萝卜爽脆，唔会因为浸得太耐所以腍咗，而且亦都能够保持萝卜嘅鲜甜同清新嘅味道。
讲完个饭就讲下杯抹茶忌廉鲜奶喇。
11 浏览
0 赞好
0 留言
忌廉非常重奶味，入口厚滑，抹茶鲜奶唔会过甜，鲜奶系全脂奶，但抹茶同奶味互相平衡， 饮落去好舒服。
最后当然唔少得香港限定抹茶芭菲啦
11 浏览
0 赞好
0 留言
抹茶芭菲分开几层。首先系抹茶雪糕配抹茶蕨饼同白玉，下一层系红豆，忌廉同埋士多啤梨，最底𠮶层就系黑糖白玉。
抹茶雪糕嘅抹茶味非常浓厚，有少许苦涩，但系唔会过份。雪糕质地非常滑，而且分量颇多。
抹茶蕨饼口感烟韧，有淡淡嘅抹茶香味，唔会过甜，同抹茶雪糕一齐食增加口感。
下一层嘅红豆偏甜，不过同酸嘅士多啤梨同鲜奶忌廉一齐食，味道非常配合，酸嘅士多啤梨同埋甜红豆互相制衡，取得适当嘅平衡。
最后𠮶一层系黑糖白玉，黑糖味道突出，唔会过甜，同白玉一齐食系绝配嘅选择。
整体而言，无论系饭，饮品定系甜品，水准都超出其他日式餐厅，而三样之中，最值得试嘅系香港限定抹茶芭菲。
张贴
