京林屋 (已結業)

事实上之前喺希慎见过都有啲兴趣，不过可能唔单止供应甜品嘅关系，排队嘅人都几多，但我冇乜意欲要去排。因为约左人喺圆方附近等，又未到时间所以我地黎左呢间京林屋。呢间分店位置唔多，有几张枱加一张长身高枱，但以外卖店形式经营，所以即使点甜汤，都以胶碗盛载。餐牌供应雪糕、甜汤、馅蜜、饮品等，冇主食基本上唔会占用位置太耐。雪糕分筒装、杯装、芭菲，有牛乳、抹茶、焙茶三款口味，定价$38-78。先喺收银岁点单，牌子振动后可以自取。店内亦有提供胶杯及水机。抹茶红豆白玉软雪糕 $56其实系有红豆的，不过喺哂背面，所以正面看系完全睇唔到红豆踪影。抹茶味唔够浓，冇咩回甘苦涩可言，质地虽然滑但好厚好厚， 雪糕溶点低，玩左好耐尝试影到红豆都未溶。白玉丸子都几烟韧，可惜雪糕筒好似漏气饼干。焙茶红豆白玉脆米 $52焙茶味雪糕同样平平无奇，茶味要dap得好认真先感觉到，雪糕嘅质地冇抹茶咁厚，至少我食得哂成杯。红豆一pat pat咁，冇乜口感可言，幸好并不甜腻。个人喜好脆米夹喺雪糕层中间，呢杯嘅做法系加喺最底。