抹茶館 (已結業)

朋友和我都喜欢抹茶既食物，所以就选左依间餐厅~星期五晚上，等左10几分钟就有位，都唔算等左好耐~ 由于朋友唔系太肚饿，所以选左一个饭&芭菲一齐分享~ 虽然依间餐厅系食日本野，但我地叫左个韩式风格既泡菜海鲜饭，味道唔算差，又唔系好辣，都算唔错ge~ 芭菲就选左朱古力味，最顶有两粒疑似系朱古力既食物，但食落去个质感有d怪，好多粉同黏牙，亦太甜，总搭黎讲唔系咁好食~ 雪糕带有浓度适中既抹茶味，中间既脆脆同雪糕一齐食味道不错，虽则脆脆亦都有d甜~ 其实整个芭菲最甜系中间既cream，令到整个芭菲都偏甜，而最底层既粒粒冇咩甜味，可以稍为中和一下~ 饮品方面，我就试左白玉雪糕抹茶，雪糕既抹茶味好浓，比芭菲个雪糕还要好食，而抹茶方面都好香&浓，所以觉得味道唔错~ 我觉得依度既服务员态度都唔错，我话要少冰，佢会在落单时同你讲清楚少冰杯饮品既份量都会比平时少d d， 唔会等到杯饮品到左先发现佢少左~