抹茶館 (已搬遷) 新店位置

话明抹茶馆就更系主打抹茶啦。一开始重以为D野食都系抹茶TIM, 原来D main唔系抹茶黎, 如果系既话会更有特色。 首先讲番D关抹茶事既野饮先。味道唔错。抹茶上面有cream同雪糕, 甜完之后有苦, cream既奶油味好足, 令到抹茶更滑, 但可惜冰可能加得太多, 所以其实抹茶味会淡左, 而甜味亦唔够。野食方面反而比起佢地主打既抹茶更为好食。芝士蕃茄拉面既蕃茄汤底既茄味非常浓, 同茄汁有得比, 而芝士方面, 面有一层焦, 应该有烧过。拉面既口感适中, 唔会太硬而且带点弹性。鸡肉好滑但无茄味。朋友叫左个烧豚肉丼, 我食左一啖, 唔知点形容, 汁既味道甜甜地, 带点柚子味, 开胃。最后就讲下个芭菲, 真系好好味。我谂真系极力推荐, 绿茶雪糕既味道真系好好, 唔似得出面既野果种咁, 带点奶香, 的确应该一试。会再黎, 因为真系唔错, 食物既品质亦有水准。GOOD。