京林屋 (已結業)

讲到食甜品，日本抹茶味既甜品一向系我既首选。京林屋之前系铜锣湾都有食过，味道相当唔错，最近去开ELEMENT，见到又有呢间，当然入去试一试。我同朋友就点左个培茶味同抹茶味蛋卷SHARE。蛋卷既抹茶味较奶味突出，食落唔会太甜，抹茶味浓郁，整体而言都非常唔错。培茶味蛋卷比起绿茶味既更叫我惊喜，食落茶味香浓，甜而不腻，极力向大家推荐。 呢杯忌廉抹茶有非常重既忌廉香，相对抹茶味就冇咁突出。之前去铜锣湾果间咸点选择都几多，而呢间可能因为铺面较细，选择就相对少，但由于我同朋友好肚饿，都叫左佢两款唔同既三文治试下。首先系三文鱼牛油果三文治，入面既材料都几丰富，牛油果同三文鱼非常MATCH，食落有好FRESH既感觉。火鸡腿三文治咸料同样多，每啖都食都火鸡腿。外面既面包烘得外香脆，亦系一个唔错既选择。