The Farmhouse 咖啡廳

The Farmhouse咖啡廳全新推出以拉丁美洲作主題的自助饗宴，而家仲做緊5折，即刻要去試下啦！•凍盤方面有彈牙嘅波士頓龍蝦， 高質鱈場蟹腳， 凍蝦青口之外，仲有好有驚喜嘅磯煮鮑魚， 一啲都唔硬仲好入味。•之後就到當晚主打嘅戶外燒烤區， 所有食材現場即時碳烤，有阿根廷香烤牛仔骨、羊架，秘魯烤雞配青辣椒醬、烤虎蝦同埋南美香腸。所有食物烤至入味，火侯掌握得岩岩好，鐘意食肉嘅人一定要食！•其他燒烤仲有阿根廷香料西冷牛肉同埋即叫即製的墨西哥玉米餅，配以慢煮牛肉或者手撕豬肉等配料。 •主食方面就係香港特式車仔面，所有配料都好出色， 蘿蔔扎肉豬紅加一粉米粉， 食完個人好舒服。•其他熟食方面就有印度咖喱，港式燒味，檸檬三文魚等，都係水準之上。 •甜點方面，最有特式就係即叫即製的西班牙油條及焦糖牛奶可麗餅、而不得不提嘅就一定係佢嘅旋轉雪糕，隻隻味都好好食，睇到我眼花撩亂，個人比較鍾意提拉米蘇同埋泰式奶茶味。