榮記茶餐室

营业中

休息中

邪恶芝士煲仔饭 ($68)-前排好Hit嘅芝士煲仔饭，一向系潮流尾端既司令终于去试咗喇😂。煲仔饭嘅配料可以拣牛肉🐮、鸡肉🐔或者餐肉🐷，司令就拣咗最稳阵嘅餐肉，因为同芝士个感觉最夹。煲仔饭用咗mozzarella cheese 🧀同 cheddar cheese🧀，个饭上到枱捞两捞，就好容易做到拉丝嘅效果，拉到上二楼都无问题😂。配料仲有洋葱、粟米同少少烟肉丝，捞埋之后其实个感觉都几似啲韩式炒饭。芝士味好浓，系几好食嘅，不过食到最尾会有少少漏，建议同人share一齐食会好啲。整体又未算话格格不入嘅🤔，但系食嘅时候唔会有一种食紧煲仔饭嘅感觉，司令都系钟情传统嘅。-因为系即叫即煲，所以落单之后要等好耐，司令当日等左超过30分先有得食😂，去食嘅朋友记住要俾啲耐性。