韓閣 (富裕樓) (已結業)

每次去韩阁都会叫佢既全日A餐，62蚊有前菜沙律，有汤，两旧炸鸡，仲有石头锅饭加野饮，一个人食份量十足又够饱肚。推介佢地既炸鸡，今次叫左韩武甜辣酱芝士炸鸡，一定要衬热食，够哂热辣脆口，鸡肉够嫰又多汁，芝士仲可以拉埋丝，芝士控必定会钟意。以家仲有小食优惠，总共有12款选择，今次我叫左芝士热狗棒，点茄汁食够哂惹味。黎到紧系要食韩武全统炸酱面啦，今次叫左五花腩炸酱面，面底份量十足，味道调教得好好唔会过咸，五花腩炆到好淋。最后叫试埋两款特饮，冻400次咖啡同热紫薯3牛奶，系咁冻既天气下饮热紫薯牛奶成个人暖哂，重点餐厅系用3.6牛奶架。