影片
更多
2017-09-25
282 浏览
时间飞逝，转眼间又到左赖先生同屈小姐既纪念日！虽然我地仲努力紧要减番大阪之旅既放肆，但为左庆祝下我地既纪念日，就轻轻地食杯纪念性既雪糕啦 今次黎到IFC既《Grom》，系专门卖gelato手造雪糕既。听闻呢间雪糕系每日新鲜人手制作，味道好出色，所以吸引到一大班粉丝追捧！今日我地黎到，就我地所见，间舖有2个柜，1个装满1支支有粒粒果肉雪条，另一个柜装既就系我地今次既目标 - Gelato! 成个柜眼见有成超过20只味，一边就nuts 为主，一边就果味做主打！Grom既Gelato都索价不菲，要$39起细细杯，赖生2个人所以拣2只味，即系Small Size，咁就要$59，不过佢既服务都好好，其实廿几只味要我地拣2只都几困难，所以佢比我地试味既每次试味都会比只独立既细羹仔我地，试过4只目标味道之后，我地有左决定啦 有请Nuts既代表 - Pistachio 开心果味 同 果味既代表 - Coconut 椰子味1) Pistachio 开心果味 （右）：爆5⭐️图中米黄绿色较扁身果只就系Pistachio味啦，入口细滑，无冰粒，口感做得唔错，而且当用只匙羮"笔"出黎果阵，D雪糕系有拉丝效果嫁
听闻呢间雪糕系每日新鲜人手制作，味道好出色，所以吸引到一大班粉丝追捧！今日我地黎到，就我地所见，间舖有2个柜，1个装满1支支有粒粒果肉雪条，另一个柜装既就系我地今次既目标 - Gelato! 成个柜眼见有成超过20只味，一边就nuts 为主，一边就果味做主打！
Grom既Gelato都索价不菲，要$39起细细杯，赖生2个人所以拣2只味，即系Small Size，咁就要$59，不过佢既服务都好好，其实廿几只味要我地拣2只都几困难，所以佢比我地试味既每次试味都会比只独立既细羹仔我地，试过4只目标味道之后，我地有左决定啦 有请Nuts既代表 - Pistachio 开心果味 同 果味既代表 - Coconut 椰子味
Pistachio & Coconut Flavour (Small)
$59
28 浏览
0 赞好
0 留言
1) Pistachio 开心果味 （右）：爆5⭐️
图中米黄绿色较扁身果只就系Pistachio味啦，入口细滑，无冰粒，口感做得唔错，而且当用只匙羮"笔"出黎果阵，D雪糕系有拉丝效果嫁
但系，最震撼既，唔系口感，而系佢既味道同层次！当你放入口头1，2秒，你会觉得「车！都冇咩特别者，成$59蚊卖到咁贵，得淡淡轻盈既开心果味，好似比人呃左咁」，但赖生望一望屈小姐对水汪汪既大眼，突然由一双明月变做一双弯月，又展露出佢食到佢满意既幸福笑容，赖生就知道呢杯雪糕应该殊不简单，赖生就将佢吞落去，咁就出事啦，开心果既味道随住吞咽后既秒数逐步上升，就好似由1级台风警告讯号，慢慢上到3号，上8号，9号，然后上到10号！飓风级既开心果味系口入面肆虐！十级正，佢果种慢慢涌上黎既层次好正！最后，要讲讲屈小姐既Comment ：「点解我食雪糕会觉得热气？好似食左好多开心果咁，呢杯雪糕究竟落左几多开心果？系食得多先会觉得热气架麻~~~」，语毕，随之而黎既，系第2口开心果雪糕既进攻
2）Coconut 椰子味（左）：5⭐️
图中白色，高D果只就系椰子味啦，系赖生拣嫁！同样地，有拉丝效果！放入口之后，又系满满浓浓既椰子味，不过佢就冇味道既层次，入口到收尾，都同样系咁重椰子味，佢椰子味既浓度又同饮紧纯椰汁将近无异！
不过Grom系唔会令你失望既，椰子雪糕系带椰子肉粒同椰丝嫁！令雪糕充满粒粒口感！同时又比你知道，真系用椰子整既
最后，赖生同屈小姐都要投诉！点解个雪糕杯已经咁细杯，都仲托高左0.3cm嫁 ，咪食少左啰
投诉完毕，我地决定左下次黎食杯medium，3只味补番数
#虽然贵但真心好食
#有层次有口感有惊喜
#值得推荐
#TimeFlies
#多谢妳一路以黎既陪伴，体谅同温柔
#以后要麻烦你继续照顾我啦
#下次食唔知减完肥未呢~~~
张贴
