金鶴拉麵 (荷李活道) (已結業)

本身对拉面麻麻地，不过前早朋友不停推介金鹤拉面呢间，话个鸡白汤拉真系好好食。今日收工去中环行街，上openrice见到中环都有间分虦，竟然明知我对拉面麻麻地既朋友都推介我，就过黎试下啦。店入面都几阔落，灯光较得比较暗，坐得都几舒服~ 今日好似多左条虫系肚，劲肚饿，叫左一个鸡白汤拉面(走葱)，仲叫左6款串烧~鸡白汤拉面上面既金鹤真系好eye-catching。 牛蒡丝炸得好香脆，虽然有甘甜既味，不过食落有啲苦味，个人就唔系麻麻地喇。拉面质地正常有弹性，都挂到汤既。不过我最钟意既系佢个鸡肉白色既色泽好靓，而且真系好嫰滑，而且份量都唔算少。好少见到有地方会有鸡肝串食，所以叫左一串。几钟意呢个鸡肝串，烧得唔会太干，个口感几软，食落有啲似粉状，几香口。鸡腿肉串，免治鸡肉串正常发挥，烧得啱啱好，肉质唔会过老。五花腩串都系其中一个好出色既串烧，咸味好足，唔知得个咸味，反而仲带起五花腩既味~ 五花腩要重口味先够好食，正~蒲烧鳗鱼串系我食过最好食既鳗鱼串烧，表面够脆，肉筫弹牙，有炭烧既味道，鳗鱼既份量同味道对得住个价钱。如果唔系饱，都会encore多串食~