武士拉麵 (已結業)

食得多西餐，就想食日本菜，不过最近book唔到想食嘅日本菜，所以经过佐敦嘅时候见到依间拉面舖头个门面唔错，就入咗去，虽然舖头细细间，但系入面都坐满几个客，就等我试试佢。装修唔算特别，但拉面就好似几正宗咁，叫咗一个黑蒜油拉面入面有豚肉，另一个就普通猪骨汤拉面，两份都唔算太贵，唔使$100 ，比起而家好多都要过$100嘅拉面我就觉得依家算唔错啦。我同师傅讲钟意食唔好咁林嘅拉面，钟意食有咬口嘅，佢都做到，而且黑蒜油汤底都唔会太咸，唔会太重味精味，所以食完都唔会好颈渴，而另外普通猪骨汤底嘅拉面，就好香猪骨汤味，应该都系熬咗好耐，同时都唔会落好多味精，由于我同朋友都唔算太肚饿，所以一碗拉面就够啦，都冇特别嗌其他嘢食，不过如果下次再嚟嘅话都会试埋佢嘅饺子嘅。呢啲小店都真系好值得大家支持，唔好净系食大连锁店。