影片
更多
2019-08-28
25 浏览
好钟意食拉面，不过喺大阪都食过几间中伏嘅拉面，四天王我谂大家都有食过，真系唔明点解咁难食都可以咁多人排队。但系唔可以下下想食拉面就飞去日本，所以喺香港都不停发掘日本原味道。呢间别天神听过好多人讲话好食，一于今晚去容祖儿演唱会之前试一试佢🍜适逢别天神拉面两周年，所以在座嘅顾客都获派一张许愿贴纸，将自己嘅愿望写上去，呢一种同食客既沟通互动都几别开生面🧡小龙虾蟹籽沙律 可能大家会同我一样觉得好惊讶，竟然系日式拉面店见到有龙虾沙律做前菜。所以我就点左一客。一食落口就知道佢系卧虎藏龙，龙虾肉好弹牙，薯仔沙律细滑柔软，口感好Creamy。推介大家可以点套餐，里面可以拣龙虾沙律做其中一个配菜🤤煎饺子 基本上煎饺子对于日式拉面店来讲就好似一把间尺，用嚟量度拉面店嘅质素。上至于饺子皮有冇金黄色，脆口程度，下至于用黎点饺子既黑醋都系一门学问。呢个饺子真系好出色，外脆内软，入面个馅仲好juicy!豚骨汤面其实店舖里面嘅拉面选择唔多，只有两款，我哋两个人啱啱好可以试晒两个唔同嘅汤底。豚骨汤面汤底浓而不腻，试头啖汤𠮶阵饮到可能郁嘅猪骨骨胶原，令到嘴唇有痴粒粒嘅感觉。面身好幼，加埋葱粒同埋木耳丝感觉好似返咗日本咁
好钟意食拉面，不过喺大阪都食过几间中伏嘅拉面，四天王我谂大家都有食过，真系唔明点解咁难食都可以咁多人排队。但系唔可以下下想食拉面就飞去日本，所以喺香港都不停发掘日本原味道。呢间别天神听过好多人讲话好食，一于今晚去容祖儿演唱会之前试一试佢🍜适逢别天神拉面两周年，所以在座嘅顾客都获派一张许愿贴纸，将自己嘅愿望写上去，呢一种同食客既沟通互动都几别开生面🧡
小龙虾蟹籽沙律
可能大家会同我一样觉得好惊讶，竟然系日式拉面店见到有龙虾沙律做前菜。所以我就点左一客。一食落口就知道佢系卧虎藏龙，龙虾肉好弹牙，薯仔沙律细滑柔软，口感好Creamy。推介大家可以点套餐，里面可以拣龙虾沙律做其中一个配菜🤤
煎饺子
基本上煎饺子对于日式拉面店来讲就好似一把间尺，用嚟量度拉面店嘅质素。上至于饺子皮有冇金黄色，脆口程度，下至于用黎点饺子既黑醋都系一门学问。呢个饺子真系好出色，外脆内软，入面个馅仲好juicy!
豚骨汤面
其实店舖里面嘅拉面选择唔多，只有两款，我哋两个人啱啱好可以试晒两个唔同嘅汤底。豚骨汤面汤底浓而不腻，试头啖汤𠮶阵饮到可能郁嘅猪骨骨胶原，令到嘴唇有痴粒粒嘅感觉。面身好幼，加埋葱粒同埋木耳丝感觉好似返咗日本咁。另外值得一提嘅系佢个糖心蛋做得好好，温度同时间拿捏得好准确，平时唔系好食蛋嘅我都食晒！🥰个人认为如果佢个叉烧有啲肥膏入口即溶就Perfect池喇😝
虾味增豚骨汤面
其实上枱嘅时候比佢个份量吓亲，因为冇谂过80几蚊一碗拉面会咁大碗咁足料。拉面上面铺满左一大堆樱花虾，性价比极高。同样地都系有大量葱粒同埋粟米粒做配菜，再配埋只糖心蛋同埋叉烧，你话呢个价钱系咪物超所值先。试一啖佢个汤底，好浓郁嘅虾味，唔知系咪师傅事先用虾壳做汤底，食得出佢唔系用调味粉开出嚟嘅即食汤底。如果大家平时食惯咗猪骨汤底拉面，不妨一试佢呢个虾味增特别口味！🤤
张贴
