麵屋武蔵 (新鴻基中心) (已結業)

今日行远啲，去左新鸿基中心食午餐。本身打算食超级三文治，男朋友拣唔到食咩，佢又想食隔离间拉面，就去左喇。入到去睇个餐牌，发现原来系之前系尖沙咀食过觉得麻麻𠮶间，就一人点一碗面就算。我叫左黑武骨豚角，佢食白武骨豚角。黎既时候劲热，见到卖相都不错，个豚角好大块。先试一试个汤，黑武骨加左好香既黑蒜油，但唔算太浓。白武骨就太浓，好咸。平时食系黑蒜油会浓味啲，但唔知点解呢间黑蒜油反而清少少（对比起白武骨）。然后试左一啖个豚角，其实都算不错。不过首先好咸，然后佢太肥，虽然食落系几腍，不过觉得食左太多肥膏落肚。啲面份量都几多，软硬度适中，唔会太硬或太腍。整体黎讲个面都算唔错，唔算好突出，不过至少无左上次食觉得好难食，甚至中伏，但系就未必会再去食。