宮葉 パフェ (已結業)

去到粮尾要食平d, 于是揾到呢间五十零六十蚊就可以卖单既餐厅😳。之前有朋友试过太子分店，话佢d 野饮好抵饮，望落都几吸引。环境细细，好简洁既木枱木台。不过坐起最后排既侧边黑色墙身～上面痴住3只乌英仔。。系咪装饰黎嫁😵好彩佢无打扰我今朝食左野出黎唔系好肚饿，所以都系叫个拉面食算，佢仲有好多甜品都好似好正，可惜个胃放唔落。一场黎到点都要饮番杯皇牌饮品，水果茶is my favor😍！！！✨猪软骨拉面（$56)：汤底都几浓，不过系好浓既味精😖，食惯浓味野既我都觉得重口味同偏咸，感觉好似食紧公仔面咁，不过一分钱一分货，其实佢d 配料反而尚算唔错。✨个蛋虽然颜色有d 暗哑，但都做到溏心效果，几滑溜的👍🏻✨猪软骨都够淋同入味，不过得两件太少喇～✨朋友请我食左块叉烧，感觉有d 干，相比下猪软骨好食d✨士多啤梨缤纷果茶（+$12): 真系超大杯同足料！！开头饮个味有d 奇怪，士多啤梨味有d 假，夹埋个茶怪怪地，可能因为系玄米茶既关系。不过饮饮下又几好饮，督埋d 西柚，青柠，果味都几出。佢d 生果系超多！两大旧西瓜，仲有火龙果，红桑子，蜜瓜，奇异果等等，好少饮水果茶有咁多料👍🏻12蚊真系超抵！！✨另外试