金田家 (已結業)

想试金田家好耐但一直未有机会，琴晚又黎开荃湾西想食拉面就黎左。喺荃新天地哩间好大间，多座位，装修仲几靓，有别一般拉面店既风格。落完单后店员上左每人一碟小食，觉得几惊喜，出面冇一间拉面店系咁，中意食中华沙律。豚骨拉面 $78唔食葱既朋友记得要同店员讲走葱哦！我追加左溏心蛋1只(+$14)同粟米(+$7)。价钱几抵，奶白色既猪骨汤好香浓，每一条幼面都能挂汤，大满足！叉烧烧得好香，肉质滑，溏心蛋略咸左少少，但捞埋汤面食中和左咸度。亲子丼 $62有好多鸡同洋葱，饭既份量都多，用上珍珠米口感更香。男爵薯饼 $38哩2件炸薯饼好正！一甜一咸，二件都好味。甜既系紫薯甘栗，紫薯好甜，炸到好香口。咸既系牛肉薯饼，系食完一啖会上瘾既味道。